ప్రయాణికులు ఎక్కువగా రిజర్వేషన్ లేకపోయినా చాలా మంది రైలులోనే ప్రయాణిస్తారు. సహజంగా రైళ్లలో రద్దీ ఎక్కువుగా ఉంటుంది. పీక్సీజన్ లో అయితే చెప్పే పనే లేదు. ఒక్కోసారి రైలు ప్రయాణికులు చాలా ఇబ్బందులు పడుతుంటారు.. వాష్ రూంకు వెళ్లేందుకు కూడా అవకాశం ఉండదు. తాజాగా రైలులో ప్రయాణిస్తున్న ఓ మహిళ తాను పడిన ఇబ్బందిని సోషల్ మీడియాలో పోస్ట్ చేసింది.
వైరల్ అవుతున్న వీడియో వివరాల ప్రకారం 22969 OKHA BSBS SF EXP (ఓఖా నుండి కాన్పూర్ సెంట్రల్) రైలులో ఓ యువతి ప్రయాణిస్తున్న కోచ్ బాగా రద్దీగా ఉందని.. అందులో మహిళలు ఎవరూ లేరని .. అందరూ అబ్బాయిలే ఉన్నారని.. తాను ప్రయాణం చేయడం చాలా కష్టంగా.. అసౌకర్యంగా ఉందని .. తన కోచ్ మార్చాలంటూ టీటీఈని అభ్యర్థించింది. అయితే టీటీఈ మాత్రం తన అభ్యర్థనను పరిగణనలోకి తీసుకోకుండా.. ఆ యువతి వ్యంగ్యంగా సమాధానం చెప్పాడని పేర్కొంది. ఈ విషయంలో నేను ఏమీ చేయలేను.. నేను రైల్వే మంత్రిని కాదు.. అదనపు రైళ్లను నడపలేను.. అంటూ ఆ యువతికి సమాధానం ఇచ్చాడు. టీటీఈ ఇచ్చిన సమాధానికి ఆ మహిళ స్పందిస్తూ.. రైల్వే అధికారులు వారి భద్రత గురించే ఆందోళనలో ఉన్నారని… మహిళా ప్రయాణికుల భద్రత గురించి ఏం పట్టించుకుంటారని సమాధానం ఇచ్చింది.