మనిషి బిజిబిజీ జీవితంలో సరియైన సమయానికి తిండి తినని పరిస్థితి నెలకొంది. కాస్తో, కూస్తో సమయం దొరుకుతే ఎక్కడో, ఒక చోట ఎదో ఒకటి తిని మమ అనిపిస్తున్నారు. వాటివల్ల ఎన్నో అనారోగ్య సమస్యలు వస్తున్నాయి. అందుకే మంచి ఆరోగ్యానికి పండ్లు అవసరమని నిపుణులు చెపుతున్నారు. ప్రతి పండులో ఎదో ఒక ఆరోగ్య ప్రయోజనాలు ఉంటాయి. అలాంటిది బొప్పాయి ఆరోగ్యానికి చేసే మేలు గురించి ప్రత్యేకంగా చెప్పనక్కర్లేదు…
బొప్పాయిలో శరీరానికి కావలసిన అన్ని పోషకాలు ఇందులో ఉంటాయి.. అందుకే వీటిని ఎక్కువగా తింటారు. వయస్సుతో సంబంధం లేకుండా ప్రతి ఒక్కరు వీటిని తినడానికి ఇష్ట పడతారు.. వీటిని ఫ్రూట్ సలాడ్, స్మూతిలుగా, జ్యూస్ ల రూపంలో తీసుకుంటారు.. అయితే పరగడుపున బొప్పాయిని తీసుకోవడం వల్ల అనేక ఆరోగ్య ప్రయోజనాలు ఉన్నాయని నిపుణులు అంటున్నారు.. బొప్పాయిలో విటమిన్ ఎ, విటమిన్ సి మరియు విటమిన్ ఇ., ఫోలేట్, మెగ్నీషియం, ఫోలేట్, పొటాషియం మరియు కాపర్ వంటి అనేక పోషకాలు ఉన్నాయి. బొప్పాయి మీ భోజనంలో పోషకాలను బాగా గ్రహించడానికి అవసరమైన యాసిడ్‌ను విడుదల చేస్తుంది. అంతే కాకుండా బొప్పాయి శరీరాన్ని సహజంగా డిటాక్సిఫై చేయడానికి సహాయపడుతుంది.. పరగడుపున ఈ పండును తినడం వల్ల ఎక్కువ సేపు కడుపు నిండిన భావన ఉంటుంది.. దాంతో బరువు కూడా త్వరగా తగ్గుతారు..
శరీరంలో రోగనిరోధక శక్తి పెరుగుతుంది
బొప్పాయి పండు తీసుకోవడం వల్ల శరీరంలో రోగనిరోధక శక్తి పెరుగుతుంది. ఈ పండు తెల్ల రక్త కణాల సంఖ్యను పెంచుతుంది.. బొప్పాయి తినడానికి భోజనం తర్వాత 2 గంటలు వేచి ఉండటం వల్ల రక్తంలో చక్కెర స్థాయిలలో వచ్చే స్పైక్‌లను నివారించడంలో సహాయపడుతుంది.. బొప్పాయిలోని పాపైన్ వంటి ఎంజైమ్‌లు జీర్ణక్రియ తక్కువగా ఉన్నప్పుడు మరింత ప్రభావవంతంగా పనిచేస్తాయి, ప్రోటీన్ జీర్ణక్రియను పెంచుతాయి.. మల బద్ధకం నుంచి బయట పడవేస్తాయి.. చర్మ సమస్యలను తగ్గించి, చర్మం రంగును పెంచుతుంది..హృదయ ఆరోగ్యాన్ని కాపాడుతుంది.. ఇంకా ఎన్నో సమస్యలకు చెక్ పెడుతుంది..ఏదైనా అనారోగ్య సమస్యలు ఉన్నవాళ్లు వైద్యుల సలహాలు తీసుకొని తీసుకుంటే చాలా మంచిది..