కడియం శ్రీహరి ఇంత దిగజారడం అవసరమా ఆలోచించాలని మాజీ మంత్రి, సిద్దిపేట భారాస ఎమ్మెల్యే హరీశ్‌రావు అన్నారు. కేసీఆర్‌ నాయకత్వంలో మళ్లీ బిఆర్ఎస్ అధికారంలోకి వస్తుంది. కాంగ్రెస్‌లో గ్రూపులు ఎక్కువని కడియం శ్రీహరే అన్నారు. గతంలో రేవంత్‌రెడ్డిపై కడియం శ్రీహరి ఎన్నో విమర్శలు చేశారని అన్నారు. విమర్శలు చేసిన రేవంత్‌రెడ్డితోనే కండువా కప్పించుకున్నారని ఎద్దేవా చేశారు. హన్మకొండలో నిర్వహించిన బిఆర్ఎస్ లోక్‌సభ నియోజకవర్గ విస్తృతస్థాయి సమావేశంలో ఆయన మాట్లాడారు.
ఇప్పుడు అందులోకే వెళ్లారు. కార్యకర్తలు ధైర్యంగా ఉండాలి.. అధైర్యపడాల్సిన అవసరం లేదు. వరంగల్‌ జిల్లా ఉద్యమాల ప్రాంతం.. ఇక్కడి కార్యకర్తలు భయపడరు. ఈ జిల్లాకు బిఆర్ఎస్ ప్రభుత్వం ఐదు మెడికల్‌ కళాశాలలు ఇచ్చింది. కాకతీయ తోరణాన్ని తీసేస్తామని రేవంత్‌రెడ్డి అంటున్నారు. దాన్ని ముట్టుకుంటే ఈ ప్రాంతం అగ్నిగుండం అవుతుంది. ఉద్దెర మాటలు తప్ప కాంగ్రెస్‌ ఉద్ధరించేది లేదు. 100 రోజుల్లో ఆరు గ్యారంటీలు అమలు చేస్తామన్నారు.. ఏం చేశారు?” అని హరీశ్‌రావు ప్రశ్నించారు.